Киритилган ўзгаришлар билан КУЗАТУВ КЕНГАШИ ҲАҚИДА НИЗОМ

15 May 2017
Kurildi: 1764

«BMKB-AGROMASH» АЖ
Акциядорларининг Умумий Йиғилиши томонидан
Тасдиқлаган
2017 йил “13” январь

Йиғилиш раиси
_____________ ( _________________ )
имзо Ф.И.Ш.

«BMKB-AGROMASH» АКЦИЯДОРЛИК ЖАМИЯТИНИНГ КУЗАТУВ КЕНГАШИ ҲАҚИДА
(ўзгаришлар билан)

I. Умумий қоидалар
1.1. Мазкур низом «BMKB-AGROMASH» АЖ Кузатув кенгаши фаолиятини чегарасини ва мақомини, ҳамда унинг барча аъзоларининг хуқуқ ва мажбуриятларини аниқлайди.
1.2. Низом Ўзбекистон Республикасининг “Акциядорлик жамиятлари ва акциядорларнинг хуқуқларини ҳимоя қилиш” Қонуни ва «BMKB-AGROMASH»
АЖ уставига мувофиқ ишлаб чиқилган.
1.3. «BMKB-AGROMASH» АЖ Кузатув кенгаши қонун томонидан акциядорларнинг Умумий йиғилиши ваколатига тегишли деб топган саволларни ҳал қилишдан ташқари жамият фаолиятини умумий бошқарувини амалга оширади.
1.4. Кузатув кенгаши ижроия орган, Жамиятнинг ички назорат органлари, жамиятда тузилган коллегиал органларнинг фаолиятини мувофиқлаштиради, заруриятга кўра, Жамиятнинг ривожланиш режаларини ишлаб чиқиш ва уларда белгиланган мақсадларга эришиш мониторинги учун экспертларни жалб қилади.

II. Акциядорлик жамияти Кузатув кенгашини сайлаш ва унинг ваколатлари
2.1. Жамият Кузатув кенгаши ваколатларига қуйидагилар киради:
жамият ривожланишининг устивор йўналишларини аниқлаш;
жамиятнинг ривожланиш стратегиясига эришиш бўйича кўрилаётган чоралар ҳақида жамиятнинг ижроия органининг ҳисоботларини мунтазам равишда эшитиб бориб, жамият ривожланишининг устивор йўналишларини аниқлаш;
акциядорларнинг йиллик умумий ва навбатдан ташқари умумий йиғилишларини чақириш, бундан истисно тариқасида акциядорларнинг йиғилиши йиғилиш чақирилишини талаб қилаётган шахслар томонидан чақирилган бўлса;
акциядорларнинг умумий йиғилиши кун тартибини тайёрлаш;
акциядорларнинг умумий йиғилишини ўтказиш санаси, вақти ва жойини аниқлаш;
акциядорларнинг умумий йиғилишини ўтказиш ҳақида хабардор қилиш учун акциядорларнинг умумий йиҳилишида қатнашиш хуқуқига эга бўлган жамият акциядорларининг реестрини шакллантириш санасини ва акциядорларнинг умумий йиғилишини ўтказиш санасини аниқлаш;
жамият уставига ўзгаришлар киритиш ёки жамият уставининг янги тахририни тасдиқлаш ҳақидаги саволни акциядорларнинг умумий йиғилиши қарорига олиб чиқиш;
мол-мулкнинг бозор нархини ўрнатишни ташкиллаштириш;
заруриятга қараб Жамиятда корпоратив маслаҳатчи лавозимини тайинлаш ва унинг фаолияти тартибини аниқловчи низомни тасдиқлаш;
жамиятнинг кейинги йилга мўлжалланган бизнес-режасини жорий йилнинг 1декабридан кечикмасдан жамиятнинг кузатув кенгаши мажлисида маъқуллаш;
ички аудит хизматини яратиш, заруриятга қараб, жамиятга мазкур лавозимни киритиш, унинг ходимларини тайинлаш, шунингдек ҳар чоракда унинг ҳисоботларини эшитиб бориш;
жамият ижроия органига тегишли бўлган барча хужжатлар билан танишиб чиқиш имкониятига эга бўлиш, ва уларни ижроия органдан жамият кузатув кенгаши зиммасига юклатилган мажбуриятларни бажариш учун олиш. Олинган хужжатлар жамият кузатув кенгаши ва унинг аъзолари фақат хизмат мақсадларида ишлатилиши мумкин;
аудитор текшируви олиб борилиши қарорини қабул қилиш, аудиторлик ташкилатини аниқлаш ва унинг хизматига тўланадиган хақнинг энг юқори хажмини аниқлаш;
жамиятнинг тафтиш комиссияси аъзоларига тўланадиган бадал ва мукофотлар хажми бўйича тавсиялар бериш;
дивидендлар хажми, уни тўлаш шакли ва тартиби бўйича тавсиялар бериш;
жамиятнинг захира ва бошқа жамғармаларини ишлатиш;
жамиятнинг филиаллари ва корхонанинг ваколатхоналарини очиш;
шуъба ва жамиятга қарам хўжаликларни очиш;
Ўзбекистон Республикасининг 2014 йил ЎРҚ -370 рақами остида чиққан “Акциядорлик жамиятлари ва акциядорларнинг хуқуқларини ҳимоя қилиш ҳақида” Қонунининг 8 ва 9 бобларида кўзда тутилган ҳолларда битимлар тузиш ҳақида қарор қабул қилиш, қонунчиликда ўрнатилган тартибда тижорат ва нотижорат ташкилотларда жамият қатнашуви билан боғлиқ бўлган шартномалар тузиш;
- қонунчилик ва жамият акциядорларининг умумий йиғилиши томонидан ўрнатилган хажм чегараларида хайрия ёки беминнат ёрдам кўрсатиш тартиби, шартини аниқлаш ва шу ошиларни олиб бориш ҳақида қарор қабул қилиш, кейинчалик бу тартиб ҳақидаги маълумотни жамиятнинг корпоратив веб – сайтига жойлаштириш;
- тегишли саволлар бўйича Кузатув кенгаши қошида қўмиталар (ишчи гурухлар)ни яратиш;
- жамият таркибига кирувчи корхоналарнинг бошқарув органларида Жамият, унинг вакиллари номидан овоз бериш тартибини аниқлаш;
жамиятнинг корпоратив облигацияларини сотиб олиш ҳақидаги қарорни қабул қилиш;
жамият устав фондини (устав капитали) ошириш саволларини ҳал қилиш, шунингдек жамият устав фондини (утав капитали) ошириш билан боғлиқ бўлган жамият устав фондига ўзгаришлар ва қўшимчалар киритиш саволларни ҳал қилиш;
жамият устав фондини (устав капитали) ошириш саволларини ҳал қилиш, шунингдек жамият устав фондини (утав капитали) ошириш ва жамиятнинг эълон қилинган акциялари сонини камайтириш билан боғлиқ бўлган жамият устав фондига ўзгаришлар ва қўшимчалар киритиш саволларни ҳал қилиш;
қиммати қоғозларни чиқариш ва эмиссия проспектини тасдиқлаш қарорини тасдиқлаш;
қимматли қоғозлар ким ошди савдосини ташкиллаштирувчилар майдончаларида ҳосил бўлаётган нархлар конъектурасидан келиб чиқиб, аммо уларни чиқариш қарорида белгиланган нархдан паст бўлмаган жойлаштириш нархларини (қимматли қоғозлар биржа бозори ва ташкиллаштирилган қимматли қоғозларнинг биржадан ташқари бозорига чиқариш) аниқлаш;
жамият томонидан корпоратив облигацияларини, жумладан акцияларга айирбошланадиганларини чиқариш ҳақидаги қарорни қабул қилиш;
ҳосила қимматли қоғозларни чиқариш ҳақида қарор қабкл қилиш;
жамият ижроия органини тузиш, унинг раҳбарини сайлаш (тайинлаш), унинг ваколатларини муддатидан илгари тўхтатиш;
жамият ижроия органига тўланадиган мукофот ва бадаллар хажмини ўрнатиш; жамиятнинг йиллик бизнес-режасини тасдиқлаш.
акциядорларнинг йиллик умумий йиғилиши ўтказилишидан камида ўттиз кун аввал жамиятнинг йиллик ҳисоботини олдиндан тасдиқлаш;
акциядорларнинг йиллик умумий йиғилиши ўтказилишидан камида ўн кун аввал жамиятнинг йиллик ҳисоботини олдиндан тасдиқлаш;
жамият Халқаро аудит стандартларига мувофиқ ташқи аудит олиб борилганидан кейин Халқаро стандартларга мувофиқ тузилган ҳар йилги молиявий ҳисоботни акциядорларнинг йиллик умумий йиғилишини ўтказишдан камида икки хафтадан кечикмасдан чоп этиши зарур.
2.2. Жамиятнинг Кузатув кенгаши ваколатига мазкур низом ва уставга муовфиқ кузатув кенгаши ваколатига тегишли қилинган бошқа саволларни ҳал қилиши ҳам мумкин. Кузатув кенгаши ваколати ўтказилган саволлар жамиятнинг ижроия органига ҳал қилиш учун берилиши мумкин эмас.
2.3. Кузатув кенгаши ижроия органининг молиявий – хўжалик фаолиятини навбатдан ташқари тафтиш ишларини олиб бориш ташаббускори бўлиши ва Тафтиш комиссияси ҳисоботлари бўйича қарорлар чиқариши мумкин.
2.4. Кузатув кенгаши аудитор текшируви олиб борилиши қарорини, аудиторлик ташкилотини танлаш қарори ва уларнинг хизматлари учун тўланадиган ҳақнинг энг юқори чегарасини аниқлаш қарорларини қабул қилади.
Кузатув кенгаши аудитор ёки консалтинг ташкилотларини Жамиятнинг ахборотларни МСФО асосида ва халқаро аудит стандартлари асосида чоп этишга ўтиши учун профессионал хизмат кўрсатишлари учун жалб қилиши мумкин.
2.5. Жамиятда корпоратив бошқарув тизимини мухтор баҳолаш ишларини олиб бориш учун Кузатув кенгаши танлов асосида жамият билан мулкий муомалада бўлмаган ташкилотни жалб қилиш ҳақида қарор қабул қилади.
2.6. Жамиятда корпоратив бошқарув тизимини мухтор баҳолаш ишлари натижаларини мазкур баҳолаш ишларини олиб борган ташкилотнинг хулосаси билан бирга баҳолаш натижалари жамият сайтида чоп этилади. Жамиятда корпоратив бошқарув тизимини мухтор баҳолаш ишлари камида йилига бир марта олиб борилиб, ушбу баҳолаш мукофотлаш хажмини аниқлашда хизмат қилиши мумкин.
2.7. Жамиятда корпоратив бошқарув тизимини мухтор баҳолаш ишларини олиб борувчи сифатида биржа фонди, қимматли қоғозлар бозорининг профессионал қатнашчилари, аудитор ташкилотлари, аккредитлан рейтинг агентликлари, корпоратив бошқарувнинг илмий-таълим маркази, приватизациялаш, рақобатни ривожлантириш ва корпоратив бошқарув илми маркази чиқиши мумкин.
2.8.Жамиятнинг Кузатув кенгаши аъзолари жамият уставида кўзда тутилган тартибга кўра акциядорларнинг умумий йиғилиши томонидан сайланади.
Жамитят кузатув кенгашига сайланган шахслар чекланмаган марта сайланишлари мумкин.
2.9. Жамиятнинг Бош директори жамият кузатув кенгашига сайланиши мумкин эмас. Жамият кузатув кенгаши аъзолари сифатида мазкур жамиятда меҳнат шартномаси асосида ишловчи шахслар бўлиши мумкин.
Бошқарув органлари таркибига ўз манфаатларии кўзлаб қўл урган жиноят учун судланган шахслар киритилиши ман этилади.
2.10. Қонунчиликда кўзда тутилган тартибга кўра кузатув кенгашига мазкур жамият акциядори бўлмаган шахслар ҳам сайланиши мумкин.
2.11. Кузатув кенгашига аъзоликка номзодларга нисбатан қўйиладиган малакавий талаблар Корпоратив бошқарувнинг илмий-таълим маркази томонидан берилган устав фондида Давлат улуши бўлган Жамиятда корпоратив бошқарувчининг малакавий шаходатномаси бор бўлишини ўз ичига олади (қонунчиликда ўрнатилган ҳолатлардан ташқари). Агар Жамият корпоратив бошқарувчининг малакавий шаходатномасига эга бўлган аъзоларни сайламаган бўлса, Кузатув кенгаши энг кўп иш тажрибаси ва малакага эга бўлган шахслардан шакллантирилади.
2.12. Жамият кузатув кенгаши таркибига сайланувчи номзодларга қўйиладиган талаблар мазкур низом ва акциядорларнинг умумий йиғилиши қарори билан ўрнатилади.
2.13. Кузатук кенгаши таркибига 7 киши киради ва улар 1 йил муддатга сайланадилар. 2.14. Жамиятнинг кузатув кенгаши аъзоларини сайлаш кумулятив овоз бериш орқали амалга оширилади.
Кумулятив овоз беришда ҳар бир акциядорга тегишли бўлган овоз Жамият кузатув кенгашига сайланиши керак бўлган шахслар сонига кўпайтирилади, ва шу йўл билан овозларни тўлалигича акциядор битта номзод учун ёки бир нечта номзод ўртасида тақсимлаб бериши мумкин.
2.15. Кузатув кенгашининг бир аъзоси иккинчи аъзога ўзига берилган овозни бериши йўл қўйилмайди.
2.16. Энг кўп овозлар олган номзодлар Кузатув кенгашига сайланган деб ҳисобланади.
2.17. Жамият кузатув кенгаши таркибига камида битта мухтор аъзо киритилади (лекин жамият устави томонидан кўзда тутилган кузатув кенгаши аъзолари сонидан 15 фоизи). Жамиятнинг мухтор аъзолари сифатида қуйидаги шахслар бўлиши мумкин:
(I) охирги 5 йил давомида Жамиятда, унинг шуъба корхоналари ёки аффилланган корхоналарида ишламаган шахслар;
(II) Жамият, унинг шуъба корхоналари ёки аффилланган корхоналарининг акциядори бўлмаган шахс;
(III) Жамият, унинг шуъба корхоналари ёки аффилланган корхоналари билан қонунчилик томонидан ўрнатилган энг кам ойлик маошидан 5 минг марта ортиқ суммага шартномага эга бўлган йирик мижоз ёки етказиб берувчи билан боғлиқ бўлмаган шахслар;
(V) Жамият, унинг шуъба корхоналари ёки аффилланган корхоналарида охирги 5 йил давомида раҳбар бўлиб ишлаган ходимининг оила аъзоси бўлмаган шахс;
(VI) Жамиятни назорат қилувчи шахс бўлмаган шахслар (ёки Жамият устидан назорат олиб борадиган гурух аъзоси ва/ёки ташкилот аъзоси эмас);
(VII) Жамият билан фуқаролик-хуқуқий муносабатлар билан боғланмаган ва йирик акциядорлик жамияти аъзоси ёки юқори турувчи тармоқ идораси (компания) ходими бўлмаган шахс.
2.18. Жамият фаолиятининг алоҳида йўналишлари бўйича қарорлар тайёрлашда, жумладан низоли вазиятларни аниқлаб, ҳал қилишда, Кузатув кенгаши ўз аъзолари таркибидан ёки жамиятнинг бошқа ходимларидан заруриятга қараб қўмиталар ишчи комиссиялар) тузишга, аниқ бир масалаларни ҳал қилиши учун экспертларни (мазкур профилга тегишли мутахассисларни, мазкур профилдаги олий ўқув юртлари ўқитувчилари ва бошқаларни) жалб қилишга хақлидир.
2.19. Кузатув кенгаши ўз ваколатига тегишли бўлган энг мухим саволларни олдиндан ўрганиш ва кўриб чиқиш учун вақтинчалик ва доимий қўймиталар тузиши мумкин: Аудит бўйича қўмита; Кадрлар бўйича қўмита; Стратегия бўйича қўмита ва жамият эҳтиёжларига мувофиқ бошқа қўмиталар.
2.20. Низоли вазиятларни аниқлаб, ҳал қилиш учун кузатув кенгаши қошида Жамият акциядорлари ўртасида, бошқарув органлари ва назорат органлари ўртасида, мансабдор шахслар ўртасида, Жамият ходимлари ўртасида юзага келиши мумкин бўлган манфаатлар низосини ҳал қилиш учун қўмита (ишчи гурух) тузилади.
2.21. Кузатув кенгашининг иши зиммасига аниқ мажбуриятлар юклатилган Кузатув кенгашининг алоҳида аъзолари томонидан кузатиб борадиган жамият фаолиятининг ҳар хил йўналишлари бўйича амалга оширилади.
2.22. Кузатув кенгашининг натижадорлигини ошириш учун Кузатув кенгашининг раиси, унинг ўринбосарлари, котиби ва бошқа аъзолари ўз вазифаларини асосий фаолияти билан биргаликда олиб бориш шарти билан эмас, балки “озод қилинганлар” сифатида, яъни контракт асосида бажаришлари мумкин. (Контракт шартлари ва фаолиятини контракт асосида олиб бораётган кузатув кенгаши аъзоларига хақ тўлаш акциядорларнинг умумий йиғилиши томонидан тасдиқланади). Контракт асосида Кузатув кенгаши аъзолари томонидан жамият фаолияти билан боғлиқ бўлган алоҳида ишлар бажарилиши мумкин. 2.23. Жамиятнинг кузатув кенгаши аппарат (котибхона) яратиши мумкин. Кузатув кенгашининг аппаратига техник ходимлар билан бир қаторда (референт, ҳайдовчи, қоровул ва бошқ.) иқтисодчилар, юристлар ва бошқа мутахассислар киради.
Кузатув кенгаши аппаратининг ваколати, молиявий базаси “Кузатув кенгаши аппаратининг низоми”да ифода этилади. Кузатув кенгаши аппаратининг харажатлар сметаси акциядорларнинг умумий йиғилиши томонидан тасдиқланади.
2.24. Кенгаш аъзолари Кузатув кенгашининг котибини сайлашади.
Кузатув кенгаши котибининг вазифаларига қуйидагилар киради:
- устав ва жамиятнинг бошқа ички хужжатлари талабларига мувофиқ акциядорларнинг умумий йиғилишига тайёргарлик кўриш ва ўтказишни ташкил қилишни таъминлайди;
- Кузатув кенгашининг ишини таъминлайди;
- жамият ҳақидаги хужжатларни сақлаш ва фош қилинмаслигини таъминлайди;
- жамият ва унинг акциядорлари ўртасидаги ўзаро муносабатларни ташкил қилинишини ва бошқа корпоратив муносабатларни таъминлайди;
- жамиятнинг ички хужжатларида кўзда тутилган бошқа вазифаларни бажаради.
2.25. Жамиятда ички аудит хизмати тузилиши мумкин. Ички акудит хизмати Жамиятнинг кузатув кенгашига бўйсунади ва Жамият Кузатув кенгаши томонидан тасдиқланадиган “Ички аудит хизмати низоми” асосида фаолият юритади.
2.26. Ички назорат тамойилларининг бажарилиши устидан ўрнатилган мунтазам назорат, яъни айнан Жамият томонидан олиб борилаётган молиявий-хўжалик операцияларининг Ўзбекистон Республикаси қонунчилиги ва жамият устави ва унинг алоҳида бўлинмаларига мувофиқлиги, шунингдек бухгалтерия ва молиявий ҳисоботларнинг тўла ва ҳаққонийлиги назорати ички аудит хизмати зиммасига юклатилган бўлиб, унинг жамиятдаги ўрни, мақсадлари, вазифалари, ваколатлари Ички аудит хизмати Низомида акс эттирилади.
2.27. Жамиятнинг ички аудит хизмати ички назоратини амалга ошириш ваколати берилади, устав капиталининг 50 фоизи жамиятга тегишли бўлган юридик шахслар билан олиб борилган операцияларни назорат қилиш шу жумладан.
2.28. Жамиятнинг ички аудит хизматида қуйидаги шахслар мансабдор лавозимларни эгаллаши мумкин эмас:
- иқтисодиёт соҳасида йўл қўйган жинояти бўйича тугалланмаган судланишга эга бўлган шахслар ёки тартибга қарши жиноят бўйича судланган шахслар;
- Жамият ижроия органи раҳбари ёки аъзоси бўлган шахслар;
- таъсисчи шахслар (акциядорлар, қатнашчилар), ижроия органнинг раҳбари ёки аъзоси, ёки Жамиятга нисбатан рақобатчи бўлган бошқа юридик шахс ходими бўлган шахс;
2.29. Жамиятнинг ички аудит хизмати таркибига кирувчи шахсларга нисбатан қўйиладиган бошқа талаблар Кузатув кенгашининг аудит бўйича Қўмитаси томонидан ўрнатилиши мумкин.
2.30. Аудит бўйича қўмитани тузиш ҳақидаги қарор Кузатув кенгашининг янги таркиби сайланганидан кейин Кузатув кенгаши томонидан қабул қилинади. Аудит бўйича қўмита аъзолигига номзодлар Кузатув кенгаши томнидан тасдиқланади.
2.31. Аудит бўйича қўмита аъзолигига номзодлар Кузатув кенгаши томонидан тасдиқланади. Аудит бўйича қўмитанинг ҳар бир аъзоси ваколати Кузатув кенгаши қарорига кўра муддатидан илгари тўхтатиб қўйилиши мумкин.
2.32. Аудит бўйича қўмита Кузатув кенгашининг мухтор аъзоларидан тузиш тавсия қилинади.
2.33. Агар Жамият Кузатув кенгаши таркибига мухтор аъзоларни ихтиёрий равишда сайламаса, у ҳолда аудит бўйича қўмита қўмита вазифаларини бажаришда энг кўп тажриба ва малакага эга бўлган Кузатув кенгаши аъзоларидарн шакллантирилади.
2.34. Акциядорлик жамиятининг аудит бўйича қўмитаси Раисини Кузатув кенгашининг мухтор аъзосини сайлаш тавсия этилади. Қолган бошқа ҳолларда – Кузатув кенгашининг мухтор аъзосини ёки аъзосини сайлаш тавсия этилади.
2.35. Ички назорат органлари аъзолари таркиби ва малакасига қўйиладаган талаблар, ҳисоботлар таркиби ва регламенти тегишли Низомлар билан ўрнатилади.
2.36. Кузатув кенгаши функцияларига қуйидагилар киради: жамият акциядорларининг йиллик умумий йиғилишида Жамият ижроия органи, ички ва ташқи аудитларнинг, тафтиш комиссиясининг, бошқа манбаълардан олинган маълумотлар ва ички назоратнинг барча аспектлари бўйича (молиявий назорат, операцион назорат, қонунчиликка риоя қилиш устидан назорат, ички сиёсатлар ва тамойиллар назорати) ўз кузатувлари бўйича мунтазам равишда бериб борадиган ҳисоботларидаги маълумотларга асосланган ички назорат тизимининг ишончлилик ва самаралилик баҳоси ва олиб борилган тахлил натижалари ҳақида ҳар йилги маълумотни бериб бориш.
2.37. Кузатув кенгаши акциядорларнинг умумий йиғилишида ҳисобот берадиган жамиятнинг бошқарув ва назорат органлари маърузаларининг (ҳисобот) шакли ва мазмунига қўйиладиган талабларни ўрнатади, умумий йиғилишининг давомийлигини аниқлайди.
2.38. Кузатув кенгаши Жамиятнинг ташкилий таркибини қонунчилик талабларига мувофиқлигини мунтазам равишда баҳолаш, мувофиқлаштириш ишларини ишлаб чиқиш ва жорий қилишни таъминлайди.
2.39. Кузатув кенгаши томонидан Жамиятдаги мансабдор лавозимларга ҳар йилги конкурс танловлари олиб борилади. Бундай танловларда чет эллик менеджерлар қатнашиш имконияти мавжуд бўлади. Жамиятнинг мансабдор лавозими конкурс танлови регламенти тасдиқланади, конкурс танлови эълон қилиниши тамойилига таъриф берилади, танловнинг объектив мезонлари, янгича замонавий фикр юритувчи замонавий талабларга жавоб берувчи юқори малакали раҳбарларни, ҳамда чет эллик менеджерларни ишга ёллаш меъзонлари айтиб ўтилади.

III. Акциядорлик жамиятининг Кузатув кенгаши раисини сайлаш
3.1. Жамият Кузатув кенгашининг раиси Кузатув кенгаши аъзолари томонидан унинг аъзолари таркибидан Кузатув кенгаши аъзоларининг кўпчилик овоз билан сайланади.
3.2. Кузатув кенгаши ўз раисини Кузатув кенгаши аъзоларининг ҳамма овозларининг кўпчилиги билан қайта сайлашга хақлидир.
3.3. Жамият Кузатув кенгашининг раиси кенгаш ишини ташкил қилади, Кузатув кенгашининг мажлисини чақиради ва унда раислик қилади, мажлисларда баённома юритилишини ташкиллаштиради, акциядорларнинг умумий йиғилишини очади ва унда раислик қилади, Жамият Ижроия органига раҳбарлик лавозимига ёллаш учун жамият номидан меҳнат шартномасини тузади.
3.4. Кузатув кенгаши аъзолари ўз таркибидан бир ёки бир нечта аъзони раиснинг ўринбосарлигига танлашлари мумкин. Улар раис йўқлигида ёки у ўз вазифаларини маълум бир сабабларга кўра бажара олмаганида унинг вазифаларини бажаришади.

IV. «BMKB-AGROMASH» АЖ Кузатув кенгашининг мажлислари тартиби
4.1. Жамият Кузатув кенгашининг мажлисини чақириш ва ўтказиш тартиби камида чоракда бир марта аниқланади.
Жамият Кузатув кенгашининг мажлисини Кузатув кенгашининг раиси ўз ташаббусига кўра, Кузатув кенгаши аъзосининг, Тафтиш комиссиясининг, жамиятнинг ижроия органининг, шунингдек овоз берувчи акцияларнинг камида 1 фоизига эга бўлган акциядорларнинг талабига кўра чақиради.
4.2. Жамият Кузатув кенгашининг мажлисини чақириш учун кворум жамият устави билан аниқланади, ва кузатув кенгашининг сайланган аъзоларининг камида 75 фоизи бўлиши керак.
4.3. Кузатув кенгашининг аъзоларининг сони уставда кўзда тутилган соннинг 75 фоизидан кам бўлиб қолса, у ҳолда жамият Кузатув кенгашининг янги таркибини сайлаш учун акциядорларнинг фавқулотдан ташқари (навбатдан ташқари) умумий йиғилишини чақириши керак. Кузатув кенгашининг қолган аъзолари бундай навбатдан ташқари умумий йиғилишини чақириш қарорини қабул қилишга хақлидир, шунингдек ижроия орган раҳбарининг ваколатлари муддатидан илгари тўхтатилса, унинг вазифаларини вақтинча бажарувчини тайинлаши мумкин.
4.4. Жамият Кузатув кенгашининг мажлисида қарорлар қатнашчиларнинг кўпчилик овози билан қабул қилинади. Жамият Кузатув кенгашининг мажлисида саволларни ҳал қилишда Кузатув кенгашининг ҳар бир аъзоси бир овозга эга бўлади. Овозлар сони тенг бўлганида раислик қилаётган шахснинг овози ҳал қилувчи бўлади.
4.5. Кузатув кенгаши томонидан қарорлар бир овоздан қуйидаги ҳолларда қабул қилинади:
- жамиятнинг устав фонди (устав капитали)ни акцияларнинг номинал қийматинин кўтариш ва жамият уставига тегишли ўзгаришларни киритиш йўли билан ошириш ҳақида;
- жамият устав фонди (устав капитали)ни қўшимча акцияларни киритиш ва жамият уставига тегишли ўзгаришларни киритиш йўли билан ошириш;
- аффилланган шахс билан тузилган битимни маъқуллаш ҳақидаги қарор;
- жамият томнидан акцияларга айрбошланадиган корпоратив облигацияларни чиқариш.
Давлат вакилисиз Кузатув кенгаши томонидан қабул қилинган қарорлар, ҳамда унинг бажарилишига таэқиқ қўйилган қарорлар бажарилмайдилар.
4.6. Жамият Кузатув кенгашининг мажлисида баённома юритилади. Жамият Кузатув кенгаши мажлисининг баённомаси мажлис ўтказилган кундан эътиборан 10 кундан кечикмасдан тузилади.
4.7. Мажлис баённомасида қуйидагилар кўрсатилади:
ўтказилиш санаси, вақти ва жойи;
мажлисда қатнашган шахслар;
мажлиснинг кун тартиби;
овозга қўйилган саволлар, улар бўйича овоз бериш якунлари;
қабул қилинган қарорлар.
4.8. Жамият Кузатув кенгаши мажлисининг баённомаси мажлисда қатнашган Кузатув кенгаши аъзолари томонидан имзоланади ва улар баённома тўғри тузилганлиги бўйича маъсулдирлар.
Жамият Кузатув кенгашининг қарорлари Кузатув кенгашининг барча аъзолари тмонидан бир овоздан сирттан олиб борилган овоз бериш орқали ҳам (сўров савол жавоблари йўли билан, видео-конференц-алоқа режимида) қабул қилиниши мумкин.
4.9. Баённомага Кузатув кенгашининг мажлисда қатнамаётган аъзоларининг фикр-мулоҳазалари ёки алоҳида фикрга эга бўлган аъзоларнинг фикрлари ёзма шаклда ифодаланиб, шахсан имзоланиб, тикиб қўйилади.
4.10 Жамиятнинг тижорат сирига тегишли бўлмаган саволлар бўйича мажлислар баённомалари ва қарорлари ҳар бир акциядор ва Кузатув кенгашининг ҳар бир аъзосига очиқ-аён бўлиши керак.
4.11. Ўтган молиявий йил натижалари бўйича мажбурий тартибда Кузатув кенгашининг мажлиси бўлиб ўтиши керак.
Мажлисда ижроия орган тақдим этган йиллик ҳисобот, йиллик бизнес-режа, ташқи аудит ва Тафтиш комиссиясининг ҳисоботи кўриб чиқилади. Бош директор Кузатув кенгашига тўла ёритилган жорий молиявий маълумот ва ишларнинг ҳозирги кундаги аҳволи ҳақида тўла ёритилган ҳисоботни, натижаларини, жамият режаларини тақдим қилади.
Бундан ташқари Кузатув кенгаши томонидан ҳар чоракда жамиятнинг тасдиқланаган йиллик бизнес-режасининг бажарилиш натижалари эшитилади, жорий йилнинг 1 декабридан кечикмасдан эса жамиятнинг келаси йилга тузилган бизнес-режаси кўриб чиқилади ва баҳо берилади.
4.12. Кузатув кенгаши мажлиси жамиятга акциядорларнинг навбатдан ташқари умумий йиғилишини чақириш талаби келиб тушганда ҳам чақирилади.
Умумий йиғилиш кун тартибига қўйиш талабномаси қабул қилинган муддатга қараб, ушбу саволлар кўриб чиқилади йиғилиш муддати тайинланади.
4.13. Кузатув кенгаши мажлисининг регламентини Кузатув кенгашининг ўзи тасдиқлайди. 4.15. Кузатув кенгашининг раиси мажлис кун тартибини тайинлайди ва кун тартибига мажбурий тартибда Кузатув кенгашининг ўтган мажлисида ва Кузатув кенгашининг кўриб чиқиш учун таклиф қилинган саволларни киритади.
4.16 Кузатув кенгаши ўз мажлисларида қуйидаги шахслардан келиб тушган саволларни кўриб чиқиши шарт:
- ҳаммаси бўлиб жамият акцияларининг 1 фоизига эга бўлган акциядорлардан;
- Кузатув кенгашининг, ижроия органнинг, Тафтиш комиссиясининг ҳар бир аъзосидан.
4.17. Кузатув кенгаши мажлисини чақириш ҳақидаги ёзма билдиришнома кенгашнинг ҳар бир аъзосига юборилади ва билдиришномада мажлисни ўтказиш санаси, вақти, жойи ва мажлиснинг кун тартиби кўрсатилади. Билдиришномага кун тартибида кўриб чиқиш учун зарур бўлган барча хужжатлар илова қилинади.
4.18. Кузатув кенгашининг мажлисида сирттан овоз бериш олиб борилганида кун тартибида кўрсатилмаган саволлар кўриб чиқилиши мумкин эмас.
4.19. Кузатув кенгашининг мажлисида қатнашмаган Кузатув кенгашининг аъзоси ёзма равишда Кузатув кенгаши раисига муҳокамага олиб чиқлилган ва мажлис баённомасига илова қилинадиган саволлар бўйича шахсан имзоланган ўз фикрини тақдим қилиши мумкин.
4.20. Алоҳида саволлар бўйича Кузатув кенгаши томонидан кенгаш аъзоларининг ёзма баён этилган фикрлари (овоз беришлари) бўйича қарор қабул қилиши йўл қўйилади. Мажлисда учинчи шахснинг қатнашиши агар Кузатув кенгаши бундай қарор қабул қилган ҳолдагина мумкин бўлади.
4.21. Кузатув кенгашининг қароридан норози бўлган ҳар бир кенгаш аъзоси мажлис баённомасида бу ҳолатни алоҳида фикр деб қайд қилиши ва акциядорларнинг умумий йиғилиши эътиборига тақдим қилиши мумкин.
4.22. Жамият Кузатув кенгаши мажлисининг баённомаси ижроия органга ижро этиш учун баённома имзоланган куни берилади. Агар Кузатув кенгаши томонидан акциядорларнинг умумий йиғилиши чақирилиши қарори қабул қилинган бўлса, мазкур қарор ҳақидаги маълумот Кузатув кенгаши мажлиси ўзказилган куни жамиятнинг ижроия органига берилади.

V. Акциядорлик жамияти Кузатув кенгаши аъзоларнинг хуқуқ ва мажбуриятлари
5.1. Кузатув кенгаши аъзоси қуйидаги хуқуқларга эга:
 Кузатув кенгаши мажлисларида шахсан қатнашиш, белгиланган регламент вақти чегарасида мажлисда муҳокама қилинаётган савол бўйича сўзга чиқиши;
 Ҳозириги кундаги ишлар аҳволи бўйича тўла ёритилган ишлаб чиқариш ва молиявий ишларга тегишли бўлган, акциядорлик жамиятининг ишлаб чиқариш-хўжалик фаолияти натижалари бўйича ва тижоратга оид фаолияти бўйича ҳаққоний маълумотни олиши;
Жамият акциядорларининг умумий йиғилиши қарори бўйича Кузатув кенгашида олиб борган ишлари учун пул мукофотлари олиш.
5.2. Кузатув кенгаши аъзолари учун мукофотлар ва бадалларни тўлаш тартиби акциядорларининг умумий йиғилиши қарори бўйича аниқланади. Кузатув кенгаши аъзоларига ўз вазифаларини бажаришлари даври бўйича мукофотлар берилиши ва (ёки) Кузатув кенгаши аъзоси вазифаларини бажариш билан боғлиқ бўлган харажатлар қопланиши мумкин. Бундай мукофот ва бадалларнинг хажми акциядорларининг умумий йиғилиши қарори билан ўрнатилади. Кузатув кенгаши аъзолари мукофотлари хажми корпоратив бошқарув мухтор баҳолаш тизими натижалари ва Жамиятнинг молиявий фаолияти натижалари билан қўшиб белгиланади.
5.3. Кузатув кенгашининг Жамият томонидан битимлар тузишидан манфаатдор аъзоси ўзининг манфаатдорлиги ҳақида Кузатув кенгашига битим тузилишига қадар маълум қилиши керак, битим тузиш қарори эса Кузатув кенгаши томонидан ёки қонунчиликда кўзда тутилган ҳолларда, акциядорларнинг умумий йиғилиши томонидан қабул қилинади. Қарор бундай манфаатга эга бўлмаган Кузатув кенгаши аъзолари ёки акциядорлар томнидан қабул қилинади.
5.4. Кузатув кенгаши аъзолари шахсий молиявий манфаатдорликка эга деб эътироф қилиниши қачонки улар, уларнинг турмуш ўртоқлари, фарзандлари, ака-укалари, опа-сингиллари, ота-оналари, ҳамда уларнинг барча аффилланган шахслари:
 мазкур битимнинг иккинчи томони бўлишса ёки битимда вакил ёки даллол сифатида қатнашишса;
 битимнинг томони бўлган ёки битимда вакил ёки даллол сифатида қатнашаётган юридик шахснинг 20 ва унидан кўпроқ фоиздаги акцияларига эга бўлишса;
 битимнинг томони бўлган ёки битимда вакил ёки даллол сифатида қатнашаётган юридик шахснинг бошқарув органларида мансабдор лавозимларни эгалласа.
5.5. Аффилланган шахс бўлган Кузатув кенгаши аъзоси жамият томонидан битим тузилишида ўзининг аффилланганлиги ҳақида жамиятни ёзма билдиришнома юбориб, хабардор қилиши керак. Билдиришномада кўзда тутилаётган битим ҳақида, битимда қатнашаётган шахслар ҳақида, битим предмети ҳақида, тегишли шартноманинг аҳамиятли шартлари ҳақида батафсил маълумот бўлиши керак.
5.6. Жамиятнинг аффилланган шахси муҳокамаларда қатнашишга хақли эмас бўлиб, Кузатув кенгаши томонидан қарор қабул қилишда овоз бериш хуқуқига эга эмасдир.
5.7. Аффилланган шахс томонидан битимни маъқуллаш қарори мажлисда қатнашаётган кузатув кенгаши аъзолари томонидан бир овоздан қабул қилинади.
5.8. Аффилланган шахслар билан тузилган битимлар ҳақидаги маълумот, бундан ташқари бу маълумотда битимлар бўйича қабул қилинган аниқ фикрлар билан ифодаланган қарорлари ва аффилланган шахсларнинг ёзма билдиришномалари, ва қарор қабул қилган шахслар ҳақида маълумот бўлади.
5.9. Кузатув кенгаши аъзолари акциядорлик жамиятнининг имкониятларидан (мулкий ва номулкий хуқуқлари, хўжалик фаолияти соҳасидаги имкониятлари, акциядорлик жамиятининг фаолияти ва режалари ҳақидаги маълумотлар) ўзларининг шахсий манфаатларини қондириш учун фойдаланишга хақли эмаслар.
5.10. Кузатув кенгаши аъзолари ўзларининг лавозим мажбуриятларини виждонан, ва шунингдек акциядорлик жамияти манфаатлари учун энг яхши деб топилган йўл билан бажаришлари керак.

VI. Кузатув кенгаши аъзоларининг маъсулияти
6.1. Умумий йиғилиш қарорлари Кузатув кенгаши учун мажбурийдир.
6.2. Кузатув кенгаши аъзолари акциядорлик жамияти олдида қонунчилик ва жамият уставига мувофиқ маъсулдирлар.
Бунда агар жамият зарар кўришига олиб келган қарорларга қарши овоз берган Кузатув кенгаши аъзолари маъсул бўлмайдилар.
6.3. Жамият ёки жамиятнинг жойлаштирилган акцияларнинг ҳаммаси бўлиб камида 1 фоизига эга бўлган акциядор (акциядорлар) Кузатув кенгаши аъзосига нисбатан жамиятга келтирилган зарарни қоплаши учун судга даъво аризаси билан мурожаат қилиши мумкин. 6.4. Кузатув кенгаши қарорига нисбатан шикоятлар акциядорларнинг йиғилишига Кузатув кенгаши орқали олиб чиқилади, Кузатув кенгаши шикоятларни шархлаб, яқин орада бўлиб ўтадиган акциядорларнинг йиғилишга тақдим этади.